Според новиот ценовник, литар еуросупер 95 ќе чини 86 денари, а еуросупер 98 ќе се продава 87,5 денари за литар.
Нови повисоки цени на горивата од вечерва на полноќ.Бензините поскапуваат за три и пол денари, а дизелот за денар и половина, соопшти Регулаторната комисија за енергетика. Според новиот ценовник, литар еуросупер 95 ќе чини 86 денари, а еуросупер 98 ќе се продава 87,5 денари за литар. Новата цена на дизелот е 73 денари за литар, а екстралесното масло за домаќинство ќе се продава за 61,5 денари, што е исто така зголемување од денар и половина во однос на претходната цена.
Промената на цените е поради растот на цената на нафтата на светскиот пазар. Просечната цена на сурова нафта на светскиот пазар во изминатите две недели изнесуваше 109,904 долари за барел барел и е за 4,79% повисока од просечната цена на сурова нафта по која беа формирани тековните цени на нафтените деривати.
Бидејќи цената на бензините постојано расте, да ве потсетиме дека постои и варијанта „Кабелот во штекер, па гас до даска.“
Коментари