Motowell е компанија на која седиштето во Унгарија и дозволува да ги продава своите скутери како Европски. За да провериме дали навистина е тоа така или се работи само за маркетиншки трик на Азијска компанија, побаравме и добивме на тест еден Magnet RS.

Се работи за скутер од 50цц, кој развива 4.5kw и има водено ладење. Она што врти глави е изгледот на скутерот кој не ги остави рамнодушни ни најголемите противници на "кинески" скутери (луѓе кои под кинески подразбираат се што не е познат бренд).

Сепак импресиите не остануваат само на изгледот, возењето на скутерот е вистинско освежување во класата на скутери од производители кои го бараат своето место на асвалтот. Максима се потруди да ни го овозможи тестот во идеални услови, па добивме нов деблокиран RS со полн резервоар, а за да биде се како што треба се погрижи и одличното време.

Кога сме кај тестот, за да бидеме објективни во оценката, скутерот на тест им го дадовме на двајца искусни скутерџии, кои дадоа свое видување на Motowell Magnet RS.

{mospagebreak} 

---------------

Скутер со одличен дизајн, racing изглед, фарови како Ducati 848 со додадени лед диоди, диск кочници, дигитална километража и одлична палета на бои.

Сето ова ве асоцира на скутер од високата класа која со својата цена ја надминува бројката од 2000 евра. Новиот Мotowell Magnet RS е одговорот за сите скептици што ги тера да сменат мислење кога ке се каже “кинеска веспа”.

После поминати 350 километри со RS верзијата која ја возевме, скутерот ги надмина нашите очекувања. Тоа што ни остави најголем впечаток е стабилноста, управливоста и самата агилност при поголеми брзини од 60 км/ч.

Пневматиците со димензии 130/70-13 и напред и назад во комбинација со одличните диск кочници и напред и назад нуди голема сигурност во возењето. Не одушеви тврдата суспензија која наликува на веспите од повисоката класа како и добро изработеното и не толку удобно седиште под кое има простор за отворена и помала затворена кацига (M;L).

Краткото меѓуоскино растојание нуди добра управливост низ градскиот метеж кој позитивно не изненади. За оние кои ќе се одлучат за овој модел убаво звучат перформансите кои ние успеавме да измериме: 82км/ч при 8400 вртежи во минута.

Двотактен агрегат од 50 кубни сантиметри, 6.3 коњски сили со водено ладење задаваат силна главоболка на конкуренцијата која со својата потрошувачка од 2.5 литри на поминати 100 км при експлоатиран режим на возење стана миленик на сите скутерџии.

Омалаксеност на агрегатот без никакви проблеми почнавме да ги осеќаме по 60 поминати километри при максимална искористеност која што е типична карактеристика за двотактните агрегати.

Високо поставеното седиште во однос со гиданот знае да биде малку исцрпувачки при подолги релации за оние кои се повисоки од 180 см. Но имајки во предвид дека се работи за скутер кој служи за градско возење ги исполнува сите критериуми за брзо, економично и возење со стил низ градскиот метеж. Со прифатлива цена од 1500 евра Magnet RS е правиот избор за жешкото сонце и сообракајниот метеж.

Игор Стерјов (Stunter)

 ---------------

{mospagebreak}

 ---------------

Јас наместо класичен текст ќе дадам мислење за скутерот преку позитивни и негативни критики.

Позитивни страни:
- добри гуми
- амортизација
- мала потрошувачка
- добра прегледна инструмент табла
- добра задна кочница
- жмигавци со лед диоди
- фар angels eyes со лик на Ducati
- може да се возат и повисоки луѓе на него (до 185)
- 13 инчни бандажи

Негативни страни:
- слаба предна кочница (барем на моделот кој го возевме)
- задниот дел на скутерот е оставен без идеја за разлика од предницата
- висока цена од 1500 евра

За крај, скутерот дефинитивно наликува во многу карактеристики на keeway, со многу шминка, водено ладење и добра задна кочница.

Александар Антовски (BAD_BOY)

 ---------------

За нас искуството со скутерот беше позитивно, импресионирани од напредокот на скутерите достапни за понизок буџет го завршуваме тестот и оставаме на вас да одлучите. За крај да ве потсетиме дека скутерот може да се погледне во секое време во салоните на Максима и Maxmoto (Бул. Партизанска, после Броз Кафе)