Викендов се вози третата трка од ИЕШ во брзински мотоциклизам

Патеката Плевен во Бугарија викендов ќе биде домаќин на третата трка од Источно Европскиот шампионат во брзински мотоциклизам на која ќе настапат 6 македонски натпреварувачи.

Патеката Плевен во Бугарија викендов ќе биде домаќин на третата трка од Источно Европскиот шампионат во брзински мотоциклизам на која ќе настапат 6 македонски натпреварувачи.

По двете трки кои се возеа во еден викенд на патеката Серес, на ред е првата трка во Плевен која се бодува за отворениот Источно Европски шампионат во брзински мотоциклизам. Натпреварувачите на МФМ ќе бидат присутни во три класи: SP125, F600 и F1000.

Во класата SP125 ќе ги проследиме Аргетим Рамадани, Христијан Бузалковски и Марин Сугарев. Во класата F600 нашиот најдобро пласиран натпреварувач Игор Спиров - Зизи нема да настапи, а честа во 600-те ќе ја брани Слободан Ивчески - Цобо како и новајлијата Мартин Динковски кој за прв пат ќе настапи на трка од ИЕШ. Ветеранот Виктор Вешоски ќе настапи во класата F1000 и ќе биде единствен наш натпреварувач во оваа класа.

Во генералниот пласман, по две извозени трки состојбата е следна:

Во класата F600 табелата изгледа вака:

Според календарот, по трката во Плевен не очекува уште една трка на истата патека, па потоа се вози во Романија и на крајот повторно Бугарија.