Сè што можеме да кажеме е… мода. Но и – ова е една навистина прекрасна Vespa.
Лунарната колекција на Vespa се проширува со новата Vespa 946 Horse, лимитирано издание кое ѝ оддава почит на симболиката на Годината на Коњот. По Змејот и Змијата, новата година ги носи вредностите што ги отелотворува коњот: благородност, динамичност и симбол на издржливост – пренесени во оваа најнова интерпретација на Vespa 946. Спојувајќи ја слободата на движење со вродена елеганција, новото издание е изработено со мајсторска прецизност и исклучително внимание на дизајнот.
Изданието се издвојува со својата боја – длабока кафеава нијанса која потсетува на сјајното, темно крзно на коњот. Препознатливата верзија со челична каросерија е редизајнирана со контрастни мат и сјајни површини и софистицирани златни детали, како V-монограмот втиснат во центарот на потковица под седиштето. Италијанското занаетчиство доаѓа до израз во новата Vespa 946 – модел што ги спојува елеганцијата и карактерот преку дизајн збогатен со кожно седиште инспирирано од коњаничка опрема, рачно изработено од вешти италијански мајстори, како и премиум кожни завршетоци на рачките и ретровизорите.
Внимателно одбрана колекција на додатоци го надополнува лимитираното издание со прецизност и стил, следејќи ја неговата коњаничка инспирација. Задната торба, изработена во Италија од истата кожа како и седиштето, е практична и елегантна, додека ветробранското стакло има алуминиумски носачи кои ја нагласуваат неговата визуелна привлечност.
Заедно со Vespa 946 Horse пристигнува и IN SELLA, третото издание од модната колекција AL VENTO, наменета за оние кои стилот го доживуваат како автентичен израз на сопствената личност. Оваа капсула отвора ново поглавје со воведување на новиот Royal грб – графички дизајн со коњ и јазовичар симетрично поставени, инспириран од архивските графики на Vespa и преработен во современ дух. Амблемот се појавува на волнената varsity јакна, збогатена со златен вез и детали што го одразуваат благородниот карактер на колекцијата и наследството на брендот.
Клучната боја е темно сина, избрана поради својата чиста и безвременска елеганција. Плетените парчиња – џемпери, елеци и кардигани со кабел-плетка – се дефинирани со V-монограмот и елементи инспирирани од рачните шевови на седларството. Флуидните линии и прецизните завршетоци ги карактеризираат дуксерите и маиците, кои нудат лесна и модерна интерпретација на Vespa универзумот, додека кошулата од поплин има иронична графика со човек со Vespa кацига и коњ што заедно уживаат во еспресо.
Lifestyle понудата на Vespa е заокружена со Vespa Royal ќебето, изработено од мека волна и украсено со жакард лого, контрастни црвени детали и реси. Елеганција во движење, современо занаетчиство и неограничена слобода.
Глобалната претпродажба на Vespa 946 Horse започна на 26 јануари на официјалната веб-страница vespa.com, како и во продавницата VESPA THE EMPTY SPACE во Милано, каде моделот е ексклузивно изложен. Вчера беше лансирана и модната линија In Sella, која може да се купи онлајн и во VESPA THE EMPTY SPACE.
Препорачана цена: околу 12.600 €
Очекувана испорака: мај 2026
Повеќе информации: vespa.com
Коментари