Довициозо во тесно водство во МотоГП шампионатот

По шест извозени трки во МотоГП шампионатот Андреа Довициозо е на чело на табелата со 76 освоени бодови.

Годинешниот МотоГП шампионат е специфичен по многу работи, заради Корона вирусот бројот на трки е намален на 14, а по 6 извозени во МотоГП класата го имаме најтесниот резултат до сега.

Андреа Довициозо е во водство со 76 бодови, зад него со 70 е Фабио Квартараро, а на третата позиција е Џек Милер со 64. Блиската борба продолжува и за следните 6 возачи кои се во разлика од само 7 бодови.

Следната трка повторно се вози на патеката Мизано во Сан Марино, а еден викенд подоцна е трката во Каталуња. Збиениот распоред продолжува со трка на ЛеМан на 11-ти октомври, 18-ти и 25-ти октомври Арагон, 08-ми и 15-ти ноември Рикардо Тормо, а сезоната ќе заврши на 22-ти ноември со трка на патеката Портимао во Португалија.