MotoGP: Роси низ песокот до победа во Асен

Валентино Роси прикажа фантастична трка на патеката Асен, тој стартуваше од пол позиција и имаше водство се до самиот крај кога Марк Маркез безуспешно се обиде да му ја одземе победата.

Валентино Роси прикажа фантастична трка напатеката Асен, тој стартуваше од пол позиција и имаше водство се до самиот крај кога Марк Маркез безуспешно се обиде да му ја одземе победата.

Фантастичниот викенд за тимот на Јамаха значеше 111-та победа во кариерата за Валентино Роси и трета позиција за Хорхе Лоренцо, притоа актуелниот Светски шампион Марк Макрез ги раздвои двајцата возачи на Јамаха освојувајќи ја втората позиција.

Стартот на трката го одбележа Валентино Роси кој стартуваше од пол позицијата, па така во првиот круг тој веќе успеа да направи разлика од половина секунда пред Марк Маркез. Сепак Хорхе Лоренцо беше во фокусот на самиот старт откако успеа да дојде до третата позиција по стартот од осмото место. 

До четвртиот круг Маркез веќе се доближи до задното тркало на Роси, Лоренцо се трудеше да ги следи но за кусо време се откажа од одејата да ризикува подиум и се одлучи да вози паметно и да дојде до сигурни бодови. Водечките двајца кои возеа со различни предни гуми, Роси со меки, Маркез со средни, воопшто не размислуваа да го намалат темпото.

Наспроти ова следевме возење еден зад друг во кое прашање на време беше кога Маркез ќе го нападне Роси. Тоа се случи на седум круга до крајот, Маркез успеа да го помине Роси и кога многумина помислија дека трката е завршена, Роси покажа дека не случајно е водечки во шампионатот. Следуваа круг по круг во кој паѓаа рекордите на стазата, на Роси му требаа четири кругови за да го поврати водството, а во прет-последниот круг Роси иако постави убедливо најдобро време и направи мала разлика, Маркез не се предаде.

Тоа не доведе до последниот круг во кој Роси требаше да го одбрани водството но Маркез воопшто не мислеше така, пред самиот крај на трката тој влезе од внатрешната страна во линијата на движење на Роси по што дојде до контакт помеѓу нив двајцата, Роси се одби и успеа (неверојатно) да го додржи моторот поминувајќи низ песокот на последниот свиок на Асен и да излезе пред Маркез на целната рамнина.

Следевме навистина одлична трка во која освен борбата за првата позиција имаше вистинско шоу и за четвртото место. Лоренцо го обезбеди местото на подиумот и воопшто не беше во фокусот, но затоа имавме прилика да следиме беспоштедна борба за четвртата позиција помеѓу Јанон, Пол Еспергаро, Кал Крачлоу, Бредли Смит, Алеш Еспергаро и Дани Педроса.

Денешни резултати: