Ducati не е на продажба: VW одлучи да го задржи Италијанскиот бренд

Автомобилскиот гигант потврди дека не планира да го продаде брендот Ducati.

Автомобилскиот гигант потврди дека не планираат да го продадат брендот Ducati. Ваквата реакција следува откако се појавија информации дека Ducati, кој е во сопственост на групацијата VW, би можел да биде продаден, самостојно или пак во пакет заедно со Италијанската компанија Lamborghini.

Во соопштението кое го испратија од компанијата се наведува: „Постои согласност меѓу членовите на бордот дека Lamborghini и Ducati ќе останат дел од Volkswagen групацијата.“

Пред неколку години се појавија информации дека VW планира да го продаде Ducati. Според информациите, гигантот се подготвувал да продаде дел од компаниите кои ги поседува со цел да собере пари за да го плати заемот од 15 милијарди евра. Извори блиски до агенцијата Reuters открија дека сепак од компанијата сметаат дека продажбата на Ducati нема да им обезбеди многу средства. Италијанската компанија беше купена во 2012 година за 708 милиони фунти и досега во неа беа инвестирани значителни финансиски средства.