Пред неколку дена на различни медиуми се појавија неофицијални фотографии од новиот Moto Guzzi V100. На нив се приметуваше ретро изгледот, но италијанците не чекаа долго за да ја потврдат и официјално веста.
Компанијата ги потврди плановите за новиот V100 спорт, а во исто време и најавија промени во нивната фабрика и планот таа да стане дестинација з анивните фанови.
V100 изгледа како ретро спорт турер кој е базиран на V85 моторот. Фотографиите прикажуваат сериозно влијание од дизајните на моторите од средината на 80-тите. Ако судиме по сликите тогаш може да очекуваме и водено наместо воздушно ладење како што сега има V85tt. Официјалното соопштение не открива премногу детали, само во стилот на Apple и нивите соопштенија велат: моторот има прекрасен дизајн, врвен агрегат, и најнови технологии кој го внесуваат Moto Guzzi во следните 100 години.
Што се однесува до развојот на самата фрабрика, италијанците изгледа се инспирирале од Дукати и се решени да го надградат целиот комплекс кој покрај нов производствен погон ќе добие и нов конференциски дел, хотел и ресторан. Најавата е новиот комплест да започне со функција во 2025 со прославата на 100-от роденден на брендот.
V100 за прв пат во живо ќе биде претставен на EICMA при крајот на ноември во Италија.
Коментари