Kawasaki направи значајни промени кај познатиот ZX-10R за сезоната 2021.
Kawasaki направи значајни промени кај познатиот ZX-10R за сезоната 2021. Највпечатливи се тркачките, аеродинамични, додатоци кои се додадени со цел оваа машина да биде најдобра како на тркачката патека така и на улиците.
Новиот изглед на Ninja машината е најголемата промена која е направена кај мотоциклот во последната декада. Веќе го нема препознатливиот, остар, преден дел. Оваа машина сега има многу поаеродинамичен преден дел на кој се интегрирани аеродинамичните крилца.
Исто така има и нови, покомпактни, двојни LED светла, како и повисоко ветробранско стакло.
Новите држачи за нозете даваат уште поагресивен изглед а задниот дел на седиштето е повисок. Тука е и новиот, тркачки, 4.3 инчен TFT екран како и електронската контрола на патувањето.
Нема големи промени кај докажаниот, 200bhp 998cc четири цилиндричен мотор освен новиот издув кој има придушувач на звукот со цел да биде исполнет Euro 5 стандардот. Промени има кај менувачот со цел да се подобри забрзувањето а исто така промени има и кај режимите на возење.
Воглавно нена измени кај шасијата но задната вилушка сега е за 1 милиметар пониска со цел да се подобри суспензијата.
Лимитираната верзија (само 500 примероци), со чија помош Џонатан Реа ќе се обиде да стигне до седмата титула во WSBK серијата, е повеќе фокусирана за тркачката патека.
Сите делови се специјално направени со цел да му помогнат на Реа повторно да биде шампион.
Со цел да се искористат новите регулации бројот на вртежи е зголемен од 14,300 на 14,700rpm.
ZX-10R би требало да пристигне во Мај, а препорачаната цена од производителот изнесува 17.700 евра. Колку за споредба, Honda Fireblade има цена од 22.500 евра додека пак цената на Yamaha R1 изнесува 19.000 евра. Цената на ZX-10RR изнесува 27.800 евра.
Коментари