Suzuki претстави подобрена верзија на GSX-S1000. Новата машина сега е помоќна од било кога досега.
Стариот GSX-S се покажа како многу популарен благодарение на комбинацијата од моќ и цена, но неодамна неговите најголеми ривали се одалечија. Со цел да го решат овој проблем, Suzuki одлучи да го доведе GSX-S на исто ниво со конкуренцијата.
Овој супербајк има 999cc inline four мотор кој претрпе значитени промени. Моќноста е зголемена а намалена е емисијата на штетни гасови. Моторот има нови intake/exhaust camshafts како и нова воздушна кутија. Резултатот е зголемување на моќноста од 148 на 150 bhp. На моторот му се приклучи и издув во согласност со Euro5 стандардот како и нов кумплуг.
Suzuki исто така креираше и нови електронски помагала за возачот. Исто како што компанијата направи со последните Hayabusa и V-Strom 1050, новиот GSX-S го доби „Suzuki Intelligent Ride“ систем ('SIRS').
Исто така има и „ride-by-wire“, три режими на возење, контрола на тракцијата на пет нивоа како и нов LCD екран. Компанијата сепак не ја опреми оваа машина со IMU.
Најочигледна промена кај новиот GSX-S1000 е изгледот. Веќе ги нема заоблените пластични делови како и единечното светло. Наместо тоа, машината доби двојни светла напред како и заоблени аеродинамични додатоци кои изгледаат исто како и кај МотоГП мотоциклите. Исто така има и уште неколку интересни додатоци меѓу кои се и LED светлата.
Има неколку промени и кај шасијата. Променета е позицијата на седење, има ново седиште, подобрени сетинзи на суспензијата како и поголем резервоар за гориво.
И што е најдобро од се, тој не е многу поскап од постариот модел. Препорачаната цена на производителот за 2021 GSX-S1000 изнесува 12.650 евра, само 550 евра поскапо од претходната верзија. Оваа машина се очекува да се појави на пазарот кон крајот на јуни.
Коментари