MotoGP: Чекањето заврши, време е за трка!

За прв пат по завршувањето на минатата сезона на исто место се собраа Валентино Роси, Хорхе Лоренцо, Дани Педроса и Марк Маркез.

Традиционалната прес конференција пред почетокот на секоја трка се одржа вчера вечерта на патеката Лосаил во Катар. За прв пат по завршувањето на минатата сезона на исто место се собраа Валентино Роси, Хорхе Лоренцо, Дани Педроса и Марк Маркез. На пресот присуствуваа и новите ѕвезди во подем, Андреа Јанон и Маверик Вињалес.

Она што е возбудливо пред почетокот на оваа сезона е неизвесноста која владее во МотоГП, за прв пат по 2002 година кога започна ерата на четворотактните мотори, шампионатот се соочува со радикални промени. Нови гуми, нов лимит во однос на дозволеното гориво, унифициран софтвер за „ECU“, промени на надворешноста итн, сето тоа сумирано изгледа вака:

Според она што можевме да го видиме во периодот на пред сезонските тестови, првите неколку трки можат да донесат многу изненадувања. Возачите сеуште не се навикнати на новите гуми, а моторите сеуште не се вистински подготвени за новите технички правила. Во секој случај не очекува многу интересна сезона, а возбудувањата во Катар започнуваат денеска според следниот распоред:

За оние кои немаат пристап до СпортКлуб каналите преку својот оператор, стриминг ќе биде достапен на: http://www.sportcategory.com/c-10.html