MotoGP: Втора победа за Маркез во низа

Марк Маркез продолжува со доминацијата во Мото ГП класата со втора победа во втората трка од сезоната. Актуелниот светски првак беше најбрз и на „Circuit Of the Americas“, патеката во Остин, Тексас, на трката за Големата награда на САД.

Марк Маркез продолжува со доминацијата во Мото ГП класата со втора победа во втората трка од сезоната. Актуелниот светски првак беше најбрз и на „Circuit Of the Americas“, патеката во Остин, Тексас, на трката за Големата награда на САД.

Маркез претходно славеше и на трката на патеката „Losail“ во Катар и со максимални 50 бода е лидер во генералниот пласман. Во Остин зад него како второпласиран целта ја мина неговиот сонародник и тимски колега од Хонда, Дани Педроса, а место на подиумот имаше и за италијанскиот претставник Андреа Довициозо од Дукати.

На подиумот ги немаше возачите на Јамаха, Хорхе Лоренцо и Валентино Роси кои прикажаа навистина неочекувани резултати. Роси заврши на осмата позиција, а Лоренцо на десетата. 

Причина за ова имаа двајцата, Лоренцо стартуваше прерано, а Роси имал проблеми со гумата. За Хорхе Лоренцо вината за неговиот преран старт на трката во Мото ГП во Остин, Тексас, е кај комарците на неговата кацига.

Двократниот шампион во МотоГП ја опиша грешката како една од најголемите во неговата кариера, откако тој со својата Јамаха тргна со „црвено светло“ на семафорите. Сфаќајќи ја грешката, тој избра да забрза, бидејќи не му „бегаше“ казната од минување во боксот, што ја зеде по првиот круг и по која се врати на десетото место.

Роси оправдување за лошиот резултат најде во предната гума. „ За жал, по седмиот или осмиот круг, предната гума потполно ми се распадна и тогаш возев колку што можев. Штета бидејќи сигурно можев да дојдам до подиумот“ - рече Роси.

Резултати од трката во САД:

Следната трка во МотоГП се вози на 27-ми април, на новата патека во Аргентина.