Раул Фернандез и тимот на Trackhouse Racing официјално ја потврдија соработката за наредните две сезони, со што шпанскиот возач ќе продолжи да ги брани боите на тимот во MotoGP шампионатот до крајот на 2028 година.
Оваа одлука доаѓа по неколкунеделни преговори, при што тимот одлучи да продолжи со инвестирање во развојот на Фернандез, со јасна цел за постигнување уште посилни резултати на патеката во иднина.
Пат до новиот договор
Според информациите од Sky Sport MotoGP, преговорите не беа едноставни. Фернандез првично размислувал за понудата од Tech3, откако првичниот предлог на Trackhouse не ги исполнувал неговите барања, особено во поглед на времетраењето на договорот. Сепак, по средбата меѓу возачот, Франческо Гвидоти и сопственикот на тимот, Џастин Маркс, беа усогласени ставовите и беше постигнат конечен договор за двегодишно продолжување на соработката.
Континуиран напредок
Фернандез покажа значителен напредок во изминатиот период. По ветувачките настапи кон крајот на минатата сезона, вклучително и победата на Големата награда на Австралија, тој ја потврди својата форма и во тековната сезона. Досега забележа две победи на спринт трките во Муџело и Асен, како и два подиума на главните трки во недела.
Ставот на тимот
Возбудени сме што можеме да објавиме дека Раул Фернандез ќе остане со тимот во следните две сезони. Тој од првиот ден ја прифати нашата мисија и цели. Неговиот напредок во возачките вештини, подготовката, менталитетот и зрелоста е огромен. Веруваме дека тимот, со овие мотори, е подготвен константно да се бори во врвот во годините што доаѓаат. Раул ќе биде клучен во помошта да постигнеме голем успех во овој спорт.Џастин Маркс, сопственик на тимот Trackhouse Racing
Коментари