Бајкер Фест 2025 собра импресивни 265.000 посетители во текот на викендот, а очекувањата веќе се високи за 40-тото јубилејно издание на Biker Fest International во 2026. Со поголема посетеност само кај Sturgis и Daytona во светски рамки, Бајкер Фест останува најголемиот мото-собир во Европа.
Основан во 1987 година во срцето на бајкерската контракултура, фестивалот постепено се прошири за да го опфати целиот свет на моторите. И покрај растот, тој ја задржа својата бунтовна ДНК и силната врска со кастм културата, која и понатаму е централна за неговиот идентитет.
Главни содржини на фестивалот
Во центарот на настанот се наоѓа легендарниот Custom Bike Show, еден од најдолговечните во Европа. Од своето прво издание, шоуто ги предвидува трендовите во кастомизацијата и ги претставува најистакнатите изработки од водечки светски мајстори. Како единствена италијанска рунда на AMD World Championship of Custom Bike Building, настанот во Линјано истовремено претставува и финале на Italian Motorcycle Championship (IMC) за кастм градители.
Покрај традиционалната рок музичка програма, ќе се вратат и сите препознатливи сегменти на фестивалот:
-
Најголемиот Demo Ride центар во Европа, со официјално учество на водечки производители на мотоцикли
-
e-Mobility Village, посветено на новите решенија во мобилноста
-
Off Road зоната, со демонстрации на возење по земјени терени
-
Market Area, огромен простор со изложувачи, каде се одржуваат и 50cc Fever Fest и Kustom & Classic – собир на оригинални и кастмизирани класични автомобили и youngtimer модели
Нови содржини за јубилејното издание
За 40-годишнината веќе се потврдени неколку новитети:
-
Sisterhood Run – специјално креирано он-роуд искуство за жени моторџики
-
Customiser’s Parade – парада во која кастм градителите ќе ја водат саботната „Saturday Night Fever“ поворка со своите уникатни изработки
Покрај традиционалните Moto Tours низ регионот Фриули-Венеција Џулија, во 2026 ќе дебитира и Curvando ‘Rodeo Ride’ – нов формат што комбинира натпреварувачки елементи со истражување на регионот, вклучувајќи природни предели, историски и културни локации, како и локална гастрономија.
Датум и локација
-
Датум: 14–17 мај 2026
-
Локација: Линјано Сабјадоро, Италија (Lignano Sabbiadoro, UD)
-
Кој може да присуствува:
-
Моторџии од сите стилови и возрасти
-
Љубители на кастм култура
-
Семејства и туристи
-
Изложувачи, производители и клубови
-
-
Влез: Најчесто бесплатен за поголемиот дел од зоните (во очекување сме организаторите да ги објават деталите за 2026)
-
Сместување: Кампинг, хотели и B&B во Линјано и околните места
-
Паркинг: Специјални зони за мотоцикли и автомобили
Со спој на мотори, музика, култура и автентична бајкерска енергија, 40-тото издание на Biker Fest International ветува да биде историски момент за сите љубители на моторите. Организаторите најавуваат дека следуваат уште многу изненадувања. Следете нè.
Коментари