Ducati тестираат замена за 959 Panigale и неговиот v-twin мотор.

Ducati тестираат замена за 959 Panigale и неговиот v-twin мотор. Постоеа гласини дека новиот модел ќе има помала моќност но од фотографиите кои можеме да ги видиме изгледа дека компанијата се уште планира да инвестира во twin технологијата.

Однадвор гледано, моторот изгледа многу слично како оној што го има актуелниот 959.  Тоа ни навестува дека Ducati ќе го задржи Superquadro моторот. Сепак, изгледа дека промените се внатре во моторот, најверојатно мало зголемување на моќноста, иако веруваме дека Ducati планира да го задржи под 1000cc.

Исто така има и нов издув кој е  многу поголем отколку кај актуелниот модел. Веројатно овие работи ќе бидат доволни да се исполнат барањата кои се во согласност со Euro 5 стандардите.

Друга голема промена кај овој мотоцикл е повторното враќање на единечната вилушка, прва по моделот 848 од пред 10 години.  Во моментов овој модел изгледа како збир на делови од неколку мотоцикли, тркалото и вилушката од верзијата 1299 додека пак предниот дел на мотоциклот доаѓа од актулниот 959 модел.

Надворешниот дел на мотоциклот исто така има промени а предниот дел е прилагоден за да се совпадне со V4. Се чини дека делот за резервоарот останува ист. Мотоциклот кој што го видовме за време на тестирањето изгледа дека е стандарден модел, барем судејќи според суспензијата, но голема е можноста да видиме и неколку други верзии.

А бидејќи нема други вакви големи мотоцикли со кои може да се натпреварува, Ducati лесно би можеле да произведат S или R верзии.Очекуваме компанијата да ја престави новата машина за време на EICMA мотошоуто во ноември а во продажба најверојатно ќе се најде во пролет следната година.

Што очекуваме од новиот Ducati 959 Panigale

Мало зголемување на моќноста кое ќе достигне до 165 bhp.

Мотоциклот да ја има истата тежина но би можел и да биде малку потежок.

Ducati би можел да понуди опции мотоциклот да го нарачате со Ohlins суспензија.

Основниот V4 модел изнесува околу 20000 фунти додека пак актуелниот модел 959 околу 14 000 фунти. Новиот модел би требало да биде поефтин од V4.

Актуелниот 959 модел има ABS и контрола на тракцијата. Очекуваме новиот модел да има IMU.